GalegoNoCouto

Concurso de SMS en San Valentín

2012-01-23T18:09:00.000-08:00

Trátase de que enviedes mensaxes de amor.

Podedes consultar as bases nos taboleiros das aulas.
Escribídeas en comentarios
e serán publicadas antes do día 13 de febreiro.

Mostra virtual de vinte experiencias normalizadoras

2011-12-17T14:25:00.000-08:00

No vixésimo aniversario da creación dos Equipos de Normalización e Dinamización Lingüística, a Xunta de Galicia presenta vinte experiencias normalizadoras, entre as que se atopan algúns dos cómics animados realizados por alumnos do noso centro.Ver enlace:

http://www.xunta.es/linguagalega/20_anos_20_experiencias

http://www.xunta.es/linguagalega/comics_animados

A lingua sabe a pan

2011-11-24T16:57:00.001-08:00

Lipdub do CPI Virxe da Saleta.

A Lingua sabe a Pan from cpivirxedasaleta on Vimeo.

Cantigas medievais

2011-11-24T15:55:00.001-08:00

O proxecto Littera... do Instituto de Estudos Medievais da Faculdade de Ciencias Sociais e Humanas da Universidade Nova de Lisboa, preséntanos unha web moi interesante cun amplísimo número de cantigas con notas explicativas de versos, toponimia, un glosario, imaxes dos cancioneiros e mesmo podemos escoitar a música das versións de diferentes intérpretes:
http://cantigas.fcsh.unl.pt/

Conxugador verbal

2011-11-24T15:38:00.000-08:00

Ferramenta lingüística desenvolvida na USC polo grupo de investigación ProLNAT@GE que permite conxugar calquera verbo en galego de forma automática. Existe tamén unha versión en portugués:
http://conxugador.cilenis.com/

Contos do camiño e da rúa

2011-03-26T14:24:00.000-07:00

Esta semana os nosos alumnos de 4º de ESO, tiveron a oportunidade de achegarse á figura de Otero Pedrayo a través do monólogo, baseado nos Contos do camiño e da rúa, da actriz Sabela Gago de Sarabela Teatro.Na representación tamén se requiriu a presenza dun profesor para representar o personaxe do fidalgo e mesmo algunhas das nosas alumnas participaron formando parte do coro.
Esta é unha boa maneira de aproximar aos alumnos o valor literario e o mundo narrativo do Patriarca.

A Tropa de Trapo

2010-11-24T02:23:00.000-08:00

Teatro

2010-11-11T09:15:00.001-08:00

O día 13, todos os grupos de 1º de Bacharelato acudimos á representación teatral Baby Boom no paraíso da compañía ourensá Teatro Muxicas, dirixida por Tito Asorey.

Este grupo de teatro sorprendeunos non só por tratarse dun conxunto de cegos ou con discapacidade visual, senón tamén pola temática da obra acerca do embarazo e todo o que se xera en torno a el: relacións de parella, presións familiares, etc, e sempre desde o humor e a ironía.

Resultou,pois, un espectáculo que mantivo sempre a nosa atención, especialmente no que se refire á actuación das dúas actrices e o ben que todos se desenvolveron no escenario.

Podedes deixar aquí os vosos comentarios.

O galego é o noso medio natural

2010-10-31T05:36:00.000-07:00

Ecolingüismo o galego é o noso medio natural

View more presentations from Coordinadora Galega ENDL.

2010-10-19T15:12:00.000-07:00

As Médulas

2010-10-19T13:56:00.000-07:00

Alumnos de 4º de ESO,1ºe 2º de Bacharelato, acompañados por profesores dos departamentos de Latín, Lingua castelá e Lingua galega,realizamos o día 13 de outubro unha viaxe ás Médulas e Vilafranca do Bierzo. Visitamos a Aula Arqueolóxica de As Médulas onde comprobamos os vestixios da civilización romana da zona e a continuación, acompañados dun guía, fixemos o percorrido pola explotación mineira. Pola tarde dirixímonos á bonita localidade de Vilafranca do Bierzo. Podes deixar o teu comentario e valoración sobre esta actividade.

TEATRO

2010-10-05T01:20:00.000-07:00

Os alumnos de 2º de bacharealo asistiron no Auditorio Municipal de Ourense á representación da obra de Álvaro Cunqueiro O incerto Sr. don Hamlet,príncipe de Dinamarca realizada polo grupo Sarabela Teatro.

Podes deixar aquí o teu comentario sobre algún aspecto da obra como: a recreación do mito por Cunqueiro, o teatro dentro do teatro, a relación da obra coa do autor inglés,co teatro clásico, o tema da loucura e da vinganza, a busca da propia identidade,os sentimentos,etc.,ou simplemente a túa valoración sobre a obra ou a posta en escena.

Correlingua 2010

2010-05-15T12:57:00.000-07:00

Co lema: galego: a forza do noso amor, en clara referencia ao verso de Uxío Novoneyra, vimos de celebrar en Ourense un ano máis este acto lúdico-educativo de reivindicación da nosa lingua.Este ano máis que nunca sentimos desde o noso centro a necesidade de expresar o noso compromiso e estima polo idioma.
Alumnos de 3º e 4º de ESO despregaron as pancartas, realizadas por eles mesmos, percorrendo as rúas da cidade e terminando na Praza Maior onde se leu o Manifesto, se concederon os premios ás mellores pancartas e onde puidemos ver o espectáculo festivo e teatral de Machina e Chévere.

Orgullosos/as do noso. Orgullosos/as do galego

2010-03-02T02:04:00.000-08:00

Quermos transmitir un sentimento de orgullo pola lingua propia como sentimento de todos os galegos á marxe de orixe, ideoloxía, credo ou idade.A lingua é un elemento de unión e un rico patrimonio de futuro que nos dota de oidentidade e nos conecta con millóns de persoas en todo o mundo.

Orgullos@s do galego from Coordinadora Galega ENDL on Vimeo.

Contacontos

2010-02-23T08:10:00.000-08:00

Contacontos en Inglés e galego

CONTACONTOS from IES O COUTO on Vimeo.

Contacontos en inglés e galego

2010-02-03T10:15:00.000-08:00

Esta actividade organizada polo ENDL, polos seminarios de Inglés e Lingua Galega e patrocinada pola AMPA, desenvolveuse no salón de actos do noso instituto para os alumnos de 3º,4º de ESO e 1º de Bacharelato. En dúas sesións, o narrador profesional de orixe británica Tim Bowley e a galega Charo Pita propuxéronnos a través das súas historias, unha viaxe fantástica por mundos imaxinarios ao mesmo tempo que contribuíron a reforzar os coñecementos dos dous idiomas.

Críticas ás Bases do Decreto de plurilingüismo da Xunta

2010-02-02T13:15:00.000-08:00

Primeiro a RAG e hoxe o Consello da Cultura Galega, presentaron as súas obxeccións ao proxecto de Decreto elaborado pola Consellería de Educación para o uso das linguas no ensino, uníndose así á forte contestación que o mesmo espertou no ámbito educativo e na sociedade en xeral. Agardamos deste Goberno un pouco de "sentidiño" para conseguir os consensos necesarios.

http://www.realacademiagalega.org/PlainRAG/notices/files/Bases_RAG_4.pdf
http://consellodacultura.org/files/2010/02/ditame_ccg_bases_decreto.pdf

Concurso de SMS en San Valentín

2010-01-23T09:43:00.000-08:00

“Dillo en galego con amor”

Para conmemorar o día de San Valentín, o próximo 14 de febreiro, desde o ENDL organizamos un concurso de SMS de amor.
Trátase de premiar a mellor mensaxe de amor a través do teléfono móbil escrita polos alumnos do noso centro. Non deberá exceder dos 300 caracteres(incluídos espazos en branco).
Todas as declaracións de amor deberán estar escritas en galego cunha temática amorosa, en prosa ou en verso. Terase en conta o grao de elaboración e a orixinalidade.
A organización do concurso poderá desbotar aquelas mensaxes de carácter discriminatorio ou ofensivo.
Teredes que enviar a mensaxe escribindo un comentario a esta noticia no blog: www.endlcouto.blogspot.com
Haberá tres gañadores que recibirán como agasallo recargas telefónicas de 20€, 15€ e 10€, respectivamente, segundo resultaren 1º, 2º ou 3º gañador.
As mensaxes publicaranse neste blog. O prazo para recibir as mensaxes é o 18 de febreiro
Animádevos a participar!!

"Queremos Galego"

2010-01-21T13:35:00.000-08:00

Hoxe miles de galegos manifestámonos contra a política lingüística da Xunta e contra o borrador do decreto polas rúas de Santiago, enchendo a Praza do Obradoiro.

2009-12-17T15:05:00.000-08:00

OUFF - ESCOLA

2009-10-13T08:21:00.000-07:00

Hoxe, 13 de outubro, tivo lugar no Auditorio de Ourense a entrega dos premios do primeiro concurso OUFFSCOLA.Os traballos presentados polos nosos alumnos do IES O Couto non tiveron a fortuna de seren premiados mais puidemos visionar os que levaron o primeiro premio nas tres categorías establecidas nas bases e temos que dicir en honor á verdade que ,alén de recoñecer o labor feito polos centros participantes, de que se trataba da primeira convocatoria e de que temos pouca formación no audiovisual , o pase das curtas resultounos bastante tedioso. Faltáballes ritmo e máis tendo en conta que o público presente eran rapaces de primaria e de secundaria principalmente. Con todo, é importante que esta iniciativa se siga levando a cabo , que os rapaces se interesen por este mundo do audiovisual e que os profesores tamén nos impliquemos e nos formemos.

COMEDIA BÍFIDA

2009-10-06T15:19:00.000-07:00

A representación teatral á que asistimos o martes día 6 de outubro no Auditorio de Ourense “Comedia Bífida” pon de manifesto con humor e ironía moitos dos tópicos, simplificacións e prexuízos que existen sobre o galego: soa mal, é unha lingua bruta, é de mala educación falarllo a quen non o fala, non o sei falar ben, o galego da escola é unha lingua inventada e imposta, é unha perda de tempo estudalo, é unha lingua minoritaria e non a fala ninguén , máis alá do Padornelo non serve para nada, se todos falásemos a mesma lingua non habería problemas,...A todos estes tópicos tense engadido nos últimos tempos os da “imposición do galego e a eliminación do castelán” na Galiza por parte do bipartito, así como o da “liberdade lingúistica”, defendido polo partido hoxe no goberno, que non é máis que o recoñecemento do dereito de obxección para aqueles que se negan a falar en galego.

Teatro: A esmorga

2009-10-02T01:20:00.000-07:00

Co motivo da celebración do 50 aniversario da publicación de A esmorga e os 30 anos da morte do seu autor, o día trinta de outubro os nosos alumnos de 4º e 2º de bacharelato asistiron no Auditorio á presentación da adaptación que o grupo de teatro Sarabela fixo da novela de Eduardo Blanco Amor.

Aqueles que acudistes á representación e vistes este espectáculo podedes enviarnos os vosos comentarios críticos.

Galego.Patrimonio da Humanidade

2009-09-23T08:44:00.000-07:00

A iniciativa "Galego. Patrimonio da Humanidade" preséntase oficialmente o 17 de outubro no teatro Principal de Santiago promovida por un grupo de intelectuais e á que podedes adherirvos nesta ligazón http://galegopatrimoniodahumanidade.blogaliza.org/

Tríptico informativo

2009-06-10T08:17:00.000-07:00

Tríptico informativo dirixido á comunidade educativa

Transcribimos aquí a información elaborada pola Coordinadora de ENDL:

Dende a Coordinadora Galega de Equipos de Normalización e Dinamización Lingüística enviámosvos en http://www.coordinadoraendl.org/doc/linguassuman.pdf un tríptico informativo que poñemos á disposición de todos aqueles ENDL, ANPAS, direccións de centros ou calquera persoa da comunidade educativa ou relacionada co mundo do ensino, e mesmo da sociedade en xeral, que queira difundilo.
O seu obxectivo é ofrecer información rigorosa sobre a aprendizaxe de linguas no noso ensino nun escenario problemático como o actual, determinado por intereses alleos aos estritamente pedagóxicos e que están ameazando a convivencia nos centros. Á falta dunha campaña informativa institucional e ante a inminente distribución por parte da administración educativa dunha enquisa ás familias carente de rigorosidade científica e de fiabilidade, a CGENDL quere apostar polo dereito dos nenos e nenas a ser igualmente competentes en galego e castelán abrindo un debate real sobre as medidas que temos que adoptar para conseguir que dominen plenamente as dúas linguas, tal e como establece a LOE.

festival literario musical

2009-06-05T09:49:00.000-07:00

Festival literario-musical
Esta semana realizamos un festival literario-musical no que participou o ENDL e mais o departamento de música. Resultou un acto moi entretido no que os alumnos asistentes estiveron moi atentos ás actuacións dos seus compañeiros que recitaron poemas, contaron historias e interpretaron varias pezas musicais ao piano, guitarra e acordeón. Moi aplaudida foi a actuación do grupo de cantantes formado por alumnas de 1º de Bacharelato e mais a profesora de música Gemma que nos deleitaron cunha cantiga medieval e cancións populares galegas.Moitas grazas a todos os participantes e asistentes.

Actividade deportivo-literaria de" A esmorga"

2009-05-19T08:33:00.000-07:00

Hoxe dez alumnos de 4º C xunto con dous profesores fixemos o itinerario de orientación deportivo-literararia baseado no roteiro de A esmorga de Eduardo Blanco Amor. Reunímonos na Praza Maior, á que acudiron tamén alumnos de As Franciscanas, onde nos explicaron como poder localizar as placas de esmalte azul que están distribuídas polo casco histórico de Ourense e que conteñen fragmentos da obra do escritor ourensán.

Coa axuda dun mapa e algún outro material iniciamos o percorrido divididos en grupos de cinco co profesor correspondente e durante unha hora, que era o tempo do que dispuñamos, fomos tomando nota dos textos que tiñamos que completar nos distintos puntos da cidade e terminamos diante da estatua do escritor.

Esta actividade serviunos para coñecer mellor a obra e tamén lugares de Ourense que non coñeciamos ou que nos pasaran desapercibidos.

vídeo promocional da EOI

2009-05-13T09:17:00.000-07:00

Nesta ligazón podedes ver o vídeo que profesores e algúns membros do PAS da EOI de Ourense realizaron como promoción do uso do galego.

Pradolongo

2009-05-12T08:52:00.000-07:00

Este venres,día 15 de maio proxectamos no salón de actos a película rodada en Valdeorras Pradolongo co fin de que vexades o cinema que se fai en galego e que poidades mandar os vosos comentarios despois de visionada. Tamén podedes ir á esta ligazón para buscar máis referencias deste filme.

Correlingua2

2009-05-08T10:21:00.000-07:00

2009-05-07T02:16:00.001-07:00

2009-05-07T01:50:00.000-07:00

Correlingua

2009-05-06T15:28:00.000-07:00

Unha nova edición do Correlingua en Ourense e como todos os anos o IES de O Couto participou activamente na carreira na que resultaron gañadores, como o ano pasado, alumnos de 2º de ESO. Non houbo tanta sorte no concurso das pancartas coas que participaban alumnos de 3º de ESO. Outro ano será! A andaina resultou moi agradábel, pois facía unha mañá estupenda e todos desfrutamos desta festa pola lingua que este ano levaba como lema: En galego!, pásao.

Canción dance

2009-04-29T12:01:00.000-07:00

"A festa non vai parar" música e letra de canción dance en galego por DJ Son1c

2009-04-29T02:50:00.000-07:00

Suxestións

2009-04-26T11:39:00.000-07:00

Desde este equipo de Normalización Lingüística suxerímosvos que vos adhirades ao Manifesto pola convivencia lingüística e a igualdade de dereitos para o galego.Aquí tedes a ligazón

conmemoracións

2009-02-18T12:57:00.000-08:00

2009, ano de Ramón Cabanillas

En novembro de 2oo9 cúmprense 50 anos da morte na súa vila natal, Cambados, dun dos poetas máis destacados das Irmandades da Fala e das Letras Galegas.

2oo9, centenario do nacemento de Aquilino Iglesia Alvariño

Nado en 1909 en Seivane, concello de Abadín, Lugo e autor de Cómaros verdes, primeiro libro importante da poesía de posguerra (1947)

linguas cruzadas

2009-02-16T01:55:00.000-08:00

San Valentín 2009

2009-02-13T14:32:00.000-08:00

Cando eses ollos teus me miran,
todo o meu corpo se detén,
só o meu corazón palpita.
¡Miña xoia, meu amor, meu ben!

Daniel Cid Santás (3º ESO-C)

-Que ocorrería se che digo que a túa mirada é feiticeira?
-Que agardo por un dos teus aloumiños!
-Que me engaiolas!
-E...que ocorrería se che digo QUE TE QUERO???

Antía Otero García (3º ESO-C)

Viaxe á illa de San Simón

2009-01-27T09:20:00.000-08:00

Viaxe á illa de San Simón